Patrick Leslie, senior, burgess of Aberdeen, in honour of God, the Blessed Virgin Mary, the Holy Three Kings and all saints, for the salvation of his soul and that of his wife, Elizabeth Crawford, grants to Almighty God, the most glorious Virgin Mary, mother of God, and all saints, and to the altar of the lords the Three Kings situated within the church of St Nicholas of Aberdeen, and to Master Gavin Leslie, chaplain of the said altar, the following lands, tenements and annual rents.

Omnibus hanc cartam visuris vel audituris Patricius Leslie senior burgensis burgi de Abirdene salutem . . . Noueritis me in augmentum diuini cultus honorem Dei omnipotentis beate virginis Marie et beatorum Trium Regum et omnium sanctorum pro salute anime mee ac charissime coniugis mee Elizabeth Crawfurd . . . dedisse . . . Deo omnipotenti gloriosissime virgini Dei genitrici Marie omnibus sanctis et altari dominorum Trium Regum infra ecclesiam beati Nicholai de Aberdene situato ac magistro Gauino Leslie capellano dicti altaris et post eum capellano ydoneo perpetuo celebraturo omnes et singulas terras tenementa et annuos redditus subscriptos videlicet totam et integram terram meam anteriorem et interiorem cum suis pertinencijs iacentem infra burgum de Abirdene in vico furcarum ex occidentali parte eiusdem vici inter terras Roberti Craig et Willelmi King ex boreali et terram quondam Joannis Singular ex australi ex vna et communes vias regias versus oriens et occidens partibus ab altera . et totam et integram meam terram anteriorem et interiorem cum suis pertinencijs iacentem infra dictum burgum in vico furcarum ex occidentali parte eiusdem vici inter terram Jonete Sanchar ex boreali et terram quondam Megate Quhyite ex australi ab vna et communes vias regias versus oriens et occidens partibus ab altera . totas et integras terras meas tenementa et annuos redditus subscriptos iacentes in burgo de Innerurie videlicet vnum tenementum et tres rudas terrarum cum pertinentijs iacentes ex occidentali parte eiusdem burgi inter terram Valteri Badzenocht senioris ex boriali ex vna et terram Andree Andirsone ex australi . et aliud tenementum meum et tres rudas ac dimidietatem rude cum pertinentijs iacentes ex orientali parte dicti burgi inter terram Willelmi Leslie ex boriali ex vna et terram Joannis Forsyith ex australi partibus ab altera . vnum annuum redditum decem solidorum de sex rudis terre Willelmi Blackhall iacentibus in dicto burgo ex occidentali parte eiusdem ville inter terram dicti Willelmi Blackhall ex australi et terram Roberti Andersone ex boriali et lie Dawaukland versus occidens et viam regiam versus oriens . et vnum alium annuum redditum quinque solidorum de tribus rudis terre Roberti Andersone senioris iacentibus in dicta villa ex orientali parte eiusdem inter terram Joannis Huchesoune ex parte boreali et terram Agnetis Badzenocht ex parte australi et aquam de Owrye versus oriens et communem viam regiam versus occidens . et vnum annuum redditum sex solidorum octo denariorum de tribus rudis terre [Imperfecta.