The sum of 6 li is assigned annually from the fruits of the vicar of the church of St Nicholas for sustaining 6 choir boys. The duties of these boys before the altar of the Holy Virgin Mary are then stipulated.

Insuper dictus reuerendus pater de expressis consensu et assensu dicti sui capituli assignauit de fructibus vicarie ecclesie beati Nicholai de Abirdene summam sex librarum annuatim leuandam et percipiendam ad sustentationem dictorum sex puerorum et eorum habituum prout inferius sequitur et quod desuper fiet scriptum autenticum in publica forma sub suo sigillo rotundo et sigillo communi capituli in vberiore forma . Item de sex pueris antedictis statutum et ordinatum est quod sint induti togis talaribus blauij ly blew coloris et superpellicijs mundis quum sint in choro cum capitibus tonsis instar religiosorum et compareant in suis habitibus in fine secundi pulsus ad matutinas ante altare diue virginis Marie ex parte australi ecclesie et ibidem cantent matutinas de nostra domina submissa tamen et intelligibili voce et finiantur dicte matutine ante matutinas de die vt possint dicti pueri interesse matutinis in choro vbi continue stabunt tres ex vna parte chori et tres ex altera coram stallis manibus suis in manicis super pectus impositis vultibus modestis cultum religionis et grauitatis pre se ferentes nec inde se moueant nisi vocentur ad ambonem vel per sacristam ad deferendas tedas crucem aut alia necessaria .