Document testifying to sighting and inspection of charters by members of cathedral chapter, concerning the grant of lands made by Adam Pingle, late burgess of Aberdeen, to God and the church of St Mary of Aberdeen for the sustaining of a chaplain.

Vniuersis sancte matris ecclesie filijs ad quos presentes littere peruenerint Adam miseratione diuina ecclesie Aberdonensis minister humilis salutem in Domino sempiternam . Nouerit vniuersitas vestra nos vidisse inspexisse et plenarie concepisse quasdam cartas litteras et euidencias concernentes et continentes donationem et concessionem quam fecit bone memorie Adam Pyngle quondam burgensis de Aberdene de omnibus terris suis de Folethroule situatis in baronia de Kynedwart infra vicecomitatum de Aberdene vna cum molendino eiusdem et terra sibi adiacente cum pleno cursu currentis riuuli inter dictas terras de Folethroule et Folethblacwatre et cum illa pecia terre arabilis iacente in terris de Folethblacwater inter dictum riuulum et viam del garlet que terra ad dictum molendinum spectare solebat antiquitus vna cum libera multura videlicet tricesimo vase cuiuslibet grani terrarum suarum del Blacforde Badechaess et Folethblacwater Deo et ecclesie beate Marie de Aberdone ad sustentationem vnius capellani diuina officia in nostra ecclesia Aberdonensi celebraturi non viciatas non cancellatas non abolitas nec in aliqua suarum partium suspectas sed omni vicio et suspitione caretes vt nobis apparebat {. . .}