Margaret, countess of Douglas, lady of Mar and the Garioch, daughter of the late third lord Donald, earl of Mar, grants 10 li of land to the chapel of St Mary the virgin of the Garioch for the salvation of the souls of her late husband William, and her brother, Thomas earl of Mar; her own soul, and that of her son and heir James earl of Douglas; and those of her ancestors and successors. She grants in pure and perpetual alms to God, the Blessed Mary his mother, and all saints of God, and to a certain chaplain the foresaid 10 li of land from the two parts of the village of 'Petgovny' and from the whole village of 'Colihil' with its pertinents, except the field of Westfield. The charter is dated at Kindrummy on the feast of the Assumption of the glorious Virgin Mary, mother of God, often remembered, 1384.

Omnibus hanc cartam visuris vel audituris Mergareta comitissa de Douglas domina de Marr et de le Garuiach filia quondam bone memorie tertij domini Donaldi comitis de Marr eternam in Domino salutem {. . .} Nos vero Mergareta predicta comitissa de Douglas et domina de Marr et de le Garuiach merita deuotionis et intentionis dicti domini nostri quondam domini Willelmi mariti nostri attendentes de infeodatione dictarum decem libratarum terre ad capellam beate Marie virginis de le Garuiach antedictam in nostra viduitate libera in augmentum cultus diuini concedimus et pleno iure nostro donamus pro salute anime predicti domini nostri quondam domini Willelmi mariti nostri et anime carissimi fratris nostri quondam domini Thome comitis de Marr et pro salute anime nostre et carissimi filij nostri et heredis Jacobi comitis de Douglas domini Vallis de Liddale et pro salute animarum antecessorum et successorum nostrorum et hac presenti carta nostra in puram et perpetuam elemosinam confirmamus Deo et beate Marie matri sue et omnibus sanctis Dei ac cuidam capellano viro ydoneo per nos et successores nostros electo et eligendo antedictas decem libratas terre de duabus partibus ville de Petgovny et de integra villa de Colihill cum pertinenciis suis vniuersis excepto illo campo de le Westfelde antedicto . Tenendas et habendas Deo et beate Marie et omnibus sanctis Dei ac eidem capellano per nos et successores nostros electo et eligendo de nobis et heredibus nostris siue assignatis in puram et perpetuam elemosinam {. . .} ad quod quidem tenementum cum pertinenciis a nobis et heredibus nostris seu assignatis tenendum et habendum volumus quod nos heredes nostri seu assignati pro libito nostre voluntatis personam ydoneam eligamus qui omnia necessaria pro seruicio Dei et sancte Marie matris sue ibidem ministranda et exponenda sumptibus suis et expensis pro suo tempore inueniet et persoluet . quam quidem concessionem et donationem antedictarum decem libratarum terre sic per nos factam nos et heredes nostri et assignati Deo et sancte Marie matri sue et omnibus sanctis ac cuidam capellano ad capellam beate Marie de le Garuiach vt supra imperpetuum deseruituro in omnibus et per omnia contra omnes mortales warrantizabimus et inperpetuum defendemus {. . .} Datum apud Kyndromy in festo assumptionis gloriose virginis Marie genetricis Dei sepius memorate anno Domini millesimo trecentesimo octogesimo quarto .