Pope Clement grants indulgences, stipulating the important feast days.

Clemens episcopus seruus seruorum Dei vniuersis Christi fidelibus presentes literas inspecturis salutem et apostolicam benedictionem {. . .} nos cupientes vt ecclesia ipsa congruis honoribus frequentetur ac etiam reparetur et vt Christi fideles eo libentius ad eandem ecclesiam causa deuotionis confluant et ad dictam fabricam promptius manus porrigant adiutrices quo ex hiis ibidem vberius dono celestis gratie conspexerint se refectos . de omnipotentis dei misericordia et beatorum Petri et Pauli apostolorum eius auctoritate confisi omnibus vere penitentibus et confessis qui in Natiuitatis Circumcisionis Epiphanie Resurrectionis Ascencionis Corporis domini nostri Jesu Christi Penthecostes nec non Natiuitatis Annuntiationis Purificationis et Assumptionis beate Marie Virginis et natiuitatis beati Johannis Baptiste dictorum apostolorum Petri et Pauli ac sancti Mauritij et dedicationis ipsius ecclesie festiuitatibus ac in celebritate Omnium sanctorum nec non in dominica in ramis palmarum et Cene domini et Parascheue diebus vigilia Pasche et secunda tertia et quarta feriis predictam dominicam immediate sequentibus et per ipsarum Natiuitatis Epiphanie Resurrectionis Ascenscionis Corporis domini nec non Natiuitatis ac Assumptionis beate Marie ac beati Johannis et apostolorum Petri et Pauli predictorum festiuitatum octauas et per sex dies dictam festiuitatem Penthecostes immediate sequentes prefatam ecclesiam deuote visitauerint annuatim et ad eandem fabricam manus porrexerint adiutrices singulis vidlicet festiuitatum et celebritatis ad parascheues septem annos et septem quadragenas et dominice cene domini vigiliae secunde tertie et quarte feriarum octauarum et sex dierum predictorum diebus quibus prefatam ecclesiam visitauerint et ad eandem fabricam manus porrexerint adiutrices vt prefertur vnum annum et quadraginta dies de iniunctis eis penitentiis misericorditer relaxamus {. . .}