Robert II confirms grant of William Keith, knight, marshall of Scotland, to God, Blessed Virgin Mary, and all saints, and to a chaplain in the choir of Aberdeen cathedral, of 6 merks annual rent from his lands of Auchtydonald.

Robertus Dei gratia rex Scotorum omnibus probis hominibus totius terre sue clericis et laicis salutem . Sciatis nos approbasse ratificasse et hac presenti carta nostra confirmasse donationem et concessionem illas quas fecit et concessit Willelmus de Keth miles marescallus noster Scotie pro meritis et beneficiis Willelmi de Calabre canonici Aberdonensis sibi impensis Deo et beate Marie Virgini et omnibus sanctis et vni capellano in choro cathedralis ecclesie Aberdonensis ministranti et perpetuo ministraturo pro anima sua dicti Willelmi de Calabre ac animabus omnium fidelium defunctorum de sex marcis vsualis monete annui redditus annuatim persoluendis ad festum Pentecostes et sancti Martini in hieme per equales portiones de terris de Achidonalde cum pertinentiis in baronia de Alden et illarum terrarum annuo redditu deficiente de integra baronia de Alden leuandis integre et plenarie persoluendis et percipiendis {. . .}