Thomas earl of Mar grants to canons and chapter of Aberdeen, in honour of Almighty God and St Mary, his mother, the church of Invernochty to become a prebend in the cathedral.

Venerabili in Christo patri domino Alexandro Dei gratia episcopo Aberdonensi ac venerabilibus viris et discretis amicis suis karissimis dominis canonicis et capitulo Abberdonensi decano in remotis agente Thomas comes de Marr reuerenciam et sincere delectionis augmentum {. . .} Cum sit igitur in ecclesia Dei venerabilium augmentatio personarum laus ipsi Deo grata et ad commodum ac decorem domus Dei multum iuuare possit vt credimus . In honore Dei omnipotentis et sancte Marie genitricis eius in vestra ecclesia cathedrali Abberdonensi cultum diuinum si placet cupimus et proponimus adaugere . Ecclesiam igitur de Inuyrnochy vestre Abberdonensis dyocesis parochialem et curatam ac ad nostram presentationem iure patronatus spectantem velitis si placet de ordinatione et vnanimi consensu totius capituli canonicatum in ecclesia Abberdonensi prenotata facere et erigere in prebendam tam vicario perpetuo qui in dicta ecclesia de Inuyrnochy curam gerat animarum quam etiam vni stallario qui seruiat in choro Abberdonensi sufficiente assignata portione iuxta facultates {. . .}