Charter of Duncan, earl of Fife, ratifies erection of parish church of Kincardine O'Neil into a canonry and prebend in the church of Aberdeen for the honour of the Blessed Virgin Mary.

Vniuersis sancte matris ecclesie filiis ad quos presentes litere peruenerint Duncanus comes de Fife salutem in Domino sempiternam . Quia intelleximus quod venerabilis in Christo pater ac dominus Alexander Dei gratia episcopus Aberdonensis ex pastorali diligentia ecclesie de Kyncardyn sue dyocesis prouidere proponit quomodo elemosina et ordinatio a fundatoribus ipsius ecclesie constituta seruari ibidem et continuari valeat in futurum nec non et ad honorem beate virginis Marie et augmentationem cultus diuini canonicatum et prebendam in ecclesia Aberdonensi de dicta ecclesia de Kyncardyn ordinare disposuit ratificamus et ordinamus per presentes pro nobis et heredibus nostris quicquid ad augmentationem cultus diuini et honorem beate Virginis in ecclesia predicta parochiali erigenda in prebendam per eundem episcopum prouide et rite actum fuerit siue ordinatum . saluo nobis et heredibus nostris iure presentandi ad prebendam que de ipsa ecclesia fiet qualibet tertia vice et iure patronatus nobis et heredibus nostris competente et competituro {. . .}