The provost, bailies, council and community, for the old rite and loveable custom of the burgh, in honour of their glorious patron St Nicholas, statute and ordained that all persons, burgesses, neighbours and inhabitants, burgesses' sons, able to ride, shall ride with Robert Hood and Little John, who were called abbot and prior of Bonaccord previously, on every St Nicholas' day, through the town, when they are instructed to do so by the said Robert Hood or Little John. Any one who has tacks or pensions of the town etc and who does not do so shall lose their tacks, pensions etc. Any other transgressor shall pay 20 s to St Nicholas' work and 8 s to the bailies.

The said day, the prouest bailyeis, counsaill, and comunitie of the said burghe, representand the haill body of the samyne, warnit be the hand bell, ale in ane voice considerand, riplie avisit, for the auld rit and lovabile consuetud of the said burgh, vsit and perseruit all tymes bigane, past memor of man, in honor of thar glorius patron Sanct Nicholaice, statut and ordanit, that all personis, burges, nichtbouris, and inhabitaris, burges sonnys, habill to ryd, to decor and honor the towne in thar array conveinant therto, sall rid with Robert Huyid and Litile Johne, quhilk was callit, in yers bipast, Abbat and Prior of Bonacord, one every Sanct Nicholas day, throw the towne, as use and wont has bene, quhen thai war warnit be the said Robert Huyde or Litile Johne, or any ane of theme; and gif ony man haffand taks of watris, fischeingis, landis, or ony pensioun or proffit of the toune, habill to rid, beand warnit be the saidis Robert Huyd or Litile Johne forsaid, and will nocht ryd, and beis convict tharintill be ane suorne assiss of the said burgh, sall tyne thar takis, pensiounis, and proffitis that thai haue of the said burghe, and salbe secludit, removit, and utterlie expellit fra ale takis, pensionis, profits, quhatsumever thai have of the said burgh, in tyme to cum; without ressonable causs schawin and propinit to the prouest, ballyeis, counsaill, Robene and Litile Johne, obefoir, and be considert be thame to be lauchfull impediment and excuss quharthrow thai mycht not ryd; and the personis havand na takis of the said burghe, beand warnit be the said Robert Huyd or Litile Johnne, and will not rid, sall pay xx shilling to Sanct Nicholas werk, and viij sh. to the bailyeis unlaw vnforgevin.