Decreet concerning the upholding of right of access to St Katherine's chapel within the burgh of Aberdeen, upon St Katherine's hill.

The said day, the baillies decernit and decreittit that Mr. Johnne Reid, cheplane of Sanct Katherinis cheppell, situat within the burght of Abirdene, vpoun Sanct Katherinis hill, hes provin sufficientlie that the passage and commond vennall that passis to the said cheppell, furtht of the Schipraw at the eist part, be ald vse and wont, vnto the Grene at the wast pairt; vpoune the quhilkis his predecessouris obtenit ane decreit obefor aganis Johnne Chalmer, extendit be ald vse and wont to fywe fuittis, quhairby tua men gangand togider mycht easaly pas and repass to and fra the said cheppell, and siclyk ane horse with ane laid at the narrowest pairt of the said passage, and was oppine and patent aboun and vndernetht, redy to all our soverane ladeis leigis that wald resort and hant to the said cheppell and (be that passage fra the Shipraw) to the Grene in tymis bygane, past memour of man; quhill the said Johnne Chalmer maid impediment thairto, conforme to the decreit geivin thairupoune obefoir, of the dait the fyft day of Junii, the yeir of God jm vc xlij yeiris; and ordanis the officiaris to put the said decreit to dew executioune, conforme to our soverane ladyis lettres direct to the provest and baillies thairvpoune, the said Johnne Chalmer being lauchtfully warnit to all the dyettis and termis of the process of this pley.