'Symsoun' Tarves and Ambrose Tailor are convicted for coming to Sander Joffray's house on St Nicholas day at midnight and being violent. It is ordered that their necks have to be placed in the pillory and then they are to come to the church and go before the procession, wearing their shirts, before the High Mass, with a candle of one pound of wax in their hands. After the procession they are to offer the said two candles to St Nicholas' work and ask for forgiveness.

The said day, Symsoun Terwes and Ammowrouse Tailzour ar conuikit be the sorne assise aboun writin, Maister Robert Lummisdale chancelar thairof, for the cuming to Sanderis Jaffrayis duelling howse one Sanct Nicholace day at evin at last was, vnder silence of nycht, at xij houris of the nycht, or thairby, and seiking of the said Alexander for his grit skaith, with ane aix and stanis, and casting of stanis at the said Alexanderis house in grit nummer, and bluid dravin of the said Alexanderis vife in grit quantite, quharfor thai, and ilk ane of thame, is in amerciament of the court, to forbeir in tyme to cum, and mend as law will, and that is gevin for dowme, be the mouth of Thomas Blaw, dempster of the court for the tyme, and the mendis heirof modifeit be the said assise, as efter followis: that is to say, the said assise ordanis the said Symsonis Terwes and Ammorouse Tailzours cragis to be put instantlie in the gowife, and incontinent thairefter tane out agane, and thane to cum to the kirk and pass afor the processioun, sark alane, afor the hie mess, with ane candill of ane pund of wax in thair handis, and efter the said processioun to offer the said tua candillis to Sanct Nicholace wark, and ask the said Alexander and his vif forgiffnes, and beseik the bailzies and men of guid of the tovne to solist thame to forgif thame, and alse to fynd cautioun one Sonday, or thai be takin out of the tolbuith, for the townis vnlawis.