Regarding purchase of artillery in Dieppe by master of kirk work, David Anderson, with the readiest silver - their patron, St Nicholas' silver. David's ship is called 'the Nicholas'.

The saide day, the prouest, bailzeis, and consaill, being present for the tyme, grantit in jugment that thai haid causit Dauid Andersone, thair maister of kirkwark and dayne of gild for this instant yeir, to cause be bocht be the saycht of William Cristell, burges of Deip, factour to this gud toun in a pairt, and to the said David of Alex. Nicholsone, and Alex. Andersone, burges of the said gud toun, ane pece of artellery of brass, of xxiiij futt, with fifty irne bowlis, according to the samyn, and ane barrel of powder, to be send hame and anentourit one the tounis awentour ham in the said Dauid schip, callit the Nicholles; and the said pice of artillery, with the furnesing of the samyn, and the berrell of povder forsaid, to be boucht with the radiest siluer that the said maister of kirkwark had in Deip, that is to say Sanct Nicholes siluer, and quhar it wanttis that thair is nocht of the said siluer to furness the samyn, the said Dauid to cause his said factouris William Crystell to furness the samyn of the said Dauid awne propyr gudis; for the quhilkis, the saidis prouest, bailzeis, and consaill present for the tyme, in name and behalf of this gud tovne, and for the commont weill of the samyn, bindis and oblegis thame and thair successouris to frie, relief, and discharge the said Dauid of samekle as he debursis of Sanct Nicholes thar patronis money, at the handis of all men havand entres thairto; and inlikwise to content and thankfully pay to the said Dauid his ayris, or assignays, the sovme that beis debursit of his awne propyr gudis, to the effect abovne writtin, within xx dayis efter certificatioun cumis ham in Aberdein of the pament and neid of the sammyn.