Provost, bailies and council grant to their patron St Nicholas and to the repair, building and upholding of their parish church in copes, vestments, and other necessary ornaments pertaining to the same, from every sack passing out of their freedom and port of Aberdeen to France, Flanders, Estonia, or any other part outside this realm, 2 groats Flanders money, or the value of it in money of the country they come to.

The said day, all the merchandis of this gud toune present for the tyme, varnit be the officiaris to comper within thair tolboutht for the commond weill of merchandeise, and the most part of the samyn being gaderit and conuenit within the said tolboutht, with the prouest, bailzes, and consaill of the samyn, it being considerit and vnderstand be tham that the making of money fremen, brudir of gilde, and the legence gevin to vnfremen to saill with merchandeise, and ws and occupy the fredome of this gud toune, hes greitly hurt and skathit thame and thar priue priuilegis in tyme bygane, and in likwise preuiding and considering the greit vntollerable dampnag quhilk is abill to cum to the samyn to tham and to thar successouris, of thar awne fre will and motiff, all in ane woce, thai being circuler inquirit be the officiar, na maner of persone opponand nor sayand in the contrar, gaif, grantit, and assignit, and be the virtu of this present act gaif, grantit, and assignit, to thar patroune Sanct Nicholes, and to the repairing, biging, and vphaldyne of thar parris kirk in keipis, vestimentis, and vther necessar ornamentis pertening to the samyn, of euery sek passing out off thar fredoum and port of Aberden to Franche, Flandris, Estland, or ony vther part without this roualme, tua s. grett Flandris money, or the awail thar of in money of the cuntray thai cum to; for the quhilk the prouest, bailzeis, consaill, and the most part of the communite being present for the tyme, and representand the body of the haill tovne, has maid statut and ordanit that thar be na maner of man maid burges of gilde within the said burgh except burghs sovnis, or tham that mariis burges douchteris {. . .}