Andrew Murray, mason, is appointed bellman of the burgh, giving 5 merks yearly to the common good of the burgh. Andrew is obliged to remain at St Nicholas' work, and all other common works.

The penult dai of Februar, the yer of God lxxi, because that the office of belmanschip of this burgh was vacand, the alderman gerd Johne Sclater pas with the bel throu the towne, to charge the comunite to cum to the tolbuthe, for the chesing of a belman that war maist habit and proffitable for the toune. And with the consent of the alderman, balzeis, consail, and comunite of the toune that war present in the tyme efter the passing of the bel, Androw Murray, masowne, com in presence of thaim al and profferit to gif for that office of belmanschip, for his tyme, yerly, to the common proffite of the toune, fyve markis, and to do all vthir deuiteis and service to the toune that ony vthir belman did of before; the alderman in the tyme inquirand gif ony vthir man wald gif mare, and fand na man that wald gif samekil. And furthwith, that beand done, the alderman, in the name of the toune and of the communite, deliuerit til the said Andro the bel, and chesit him for all the daies of his life common belman, with consent of the balyeis, consale, and communite, beand present for the tyme, as saidis. Heratour, the said Andro is oblist to byde and to remayn at Sanct Nicholace wark, and al vthir common warkis, for his tyme, for siclike fee as he may half in vthir places.