EN/EW/3426

verbatim

"Woll Baxstair, mareit, of the aige of iii^xx yeiris or thairby, laufully sworne in presens of alderman, bailyes and communite anent the forsaid mater, depones fathfully efter all gud knawlege that can be adverteist in his mynd that this is the verray blak hors that Adam Scot of Alanhauch sould to Leycheid, for in tyme of bying I and Leychheid vith utheris nychtbouris interpret that this hors vas crukit one ner ferder knee be ane knot that vas one it, than the quhilk knot is one it yit. And for the mair securite I had this blak hors in vod of xx s. fra Leychtheid and than I dred for cruk and leit the pur man his hors againe and immediatlie thair efter one Alhallow Thursday at evin under silens of nycht fyv yeiris syne cum the tyme. And this I tak one my saull and for his eld I lukit never. Thomas Vauch, mareit, of the aige of xxxiii yeris or thairby, laufully sworne in the said preif, deponis that this is the blak hors that Quhyntyn Leycheid coft fra Adam Scot of Alanhauch, in tyme of bying ve nychtbouris schow that this hors vas crukit and had ane knoip of his ner forder knee; and the said Adam said he suld varrand hyme fra ony cruyk. And for the eld of the hors I kene nocht, bot I kene he vas reft fra Quhyntyne one Ohallou Thursday at evin under silens of nycht quhen he vas telland Andro Gledstanes land, and it is fyv yeris cum the tyme sene he tynt hyme. {. . .}

summary

Case re stealing of a horse on Allhallow Thursday.

folio/page

158

charter period

None

charter date range

7/12/1535 - ??

document reference

DO/EW/2600