EN/EW/2355

verbatim

The said day, comperit ane discret mane, Schir Alex. Gray, cheplane of Sanctis Crispan and Crispinianis altar, situat within the paroche kirk of this burghe, and producit and shew ane autentwye instrument under the subscriptione of Schir Jonhne Stirueling, notar publict, and seile of Thomeis Fyfe, makinge mentioun and shewing that the honest and fathefule mene of craft, cordonaris of the said burgh, with ane consent and assent, in the honor of God Almichti, the blissit Virgine Mary, Sanctis {sic} Nicholas, Sanctis Crispinn and Crispinian, and al sanctis, had chosan and taken the said Schir Alexr. ther perpetuale cheplane, to mak ministracioun of dyvine seruice at the said altar as efferis; for the quhilk thai war bundin to sustene the said cheplane honestlie as efferis in meyttis, drynkis, and sustentacioun, circualie, be sevin of the best and worthiast of the saidis craftismene, ane day in the oulk, and payand to him xl s. usual money of Scotland yerlie to his fie, of vtheris the remanent of the craft, as in the samyn mair fullie is contenit; quhilkis instrument seyne and undirstandin, the haill cordonaris lauchufullie warnit, callit, and comperit, the said chaplene humelie menyt him to the alderman, balzeis, and consal that he wantit his fie and pairt of his dietis in the oulk, beseking thame of remede of law; quhilk peticioun the saidis alderman, balzeis, consale, and diuerss of communite, undirstandin richtuss, and consonant to resone, with express consent and assent of the best and worthiast of the said craft, ordanit, fand, and deliuerit the said evident of vaile, and the said craftismen to sustene thar said cheplane honestlie eftir the tenor of the samyn; and maide and ordanit Thomas Meldrum and William Ranisone dekynys and masteris of the saide craft in that parte to compell and distrenze thar nichtbouris, craftismen, and cordonaris to the sustentacioun of thair said cheplane eftir the tenour of his evident.

summary

The said day, sir Alexander Gray, chaplain of the altar of SS Crispin and Crispinian, situated within the parish church of the burgh, produced an authentic instrument showing that the worthy and faithful craftsmen, the cordiners, in honour of God Almighty, the blessed Virgin Mary, St Nicholas, SS Crispin and Crispinian, and all saints, had chosen and taken himself as their perpetual chaplain and are bound to sustain the chaplain etc. He now petitions the alderman, bailies and council to help gain his fee and diets in the week.

folio/page

424

charter period

None

charter date range

26/9/1495 - ??

document reference

DO/EW/1827