EN/EW/2223

verbatim

The said day It was statute dowisit and ordanit be the haill counsaill present for the tyme that Thomas Menzeis of Petfoddellis Dauid Andersoun bailzie William Rolland and Maister Androw Tulideff salbe collectouris to all the tounis feallis singaris baith prestis and clerkis And all the feis gewin and assignit to thame be the toun be put in ane rentell togidder and the same deliuerit to the said collectouris And thai to tak oup the said feis termelie and keip the same in ane comond burs amang thame And the said collectouris sall haue ane falt buik of ther awin and caus tua chaplanis of the said Queir that best kepis goddis seruice be sorne our the halie Ewanlegelis to writ lelie and trewlie all the faltis of the said feallis singaris baith of Matenis hey mess Ewinsang And all wther messis and seruice thay ar and ar indettit to keip lik as the halybluid mess the ruid mess Our lady mess and sanct nicolas mess and all wther messis and divine seruice use and wont within the said kyrk And at the said collectouris sall pay the said feallis singaris ther feis promittit and assignit to thame be the toun quarterlie And that ilk quarter sall cast and luik the falt buik and consider and see quhat ilk ane of the said fealis faltes drawis to in the said quartar and thane to alow samekle as his said faltis cumis to in the first end of his fee and to pay him the remanent tharof thankfulle And the said singaris sall pay for ilk falt lik as is contenit in ane statute maid and subscruit with thar awin handis in the buik of statutes fo the said burt that is to say ilk falt one the feriall day ijd. and in the haly day iiijd. and ilk principall fest day viijd. unfrogewin And als quha that cummis to the queir and will not sing or beis notit haldand tauik in the tyme of the seruice or departis of the queir or the finalle end of the seruice sall be reputed as absent fra the samyn seruice qlk falt salbe disponit truelie be the awise of the prowest bailzeis and counsaill of the said burt.

summary

The council appoints Thomas Menzies of Pitfoddels, David Anderson, bailie, William Rolland, and Master Andrew Tulideff as collectors to the town's hired singers, both priests and clerks. The collectors shall have a fault book and cause two chaplains of the choir who keep best God's service to write accurately and truly all the faults of the hired singers both of Matins, High Mass, Evensong, and all other Masses and service they keep such as the Holy Blood Mass, the Rood Mass, Our Lady Mass, and St Nicholas Mass, and all other Masses and divine service customary within the said church.

folio/page

360-1

charter period

None

charter date range

15/1/1528 - ??

document reference

DO/EW/1699