John, bishop of Dunkeld orders sir Thomas, perpetual vicar of Cramond, to pay to the abbot and convent of Inchcolm the sum of 40 s granted by the bishop's predecessors from the fruits of the church of Cramond.

Johannes Dei gratia Episcopus Dunkeldensis Domino Thome perpetuo vicario de Craumond Salutem cum benedictione divina. Quia certis evidentiis nobis per Abbatem de Insula Sancti Columbe ostensis quas inspeximus diligenter et per inquisitionem per bonos et fideles parochie de Craumond ibidem factam in nostra presentia invenimus et nobis constat ad plenum quod idem Abbas et conventus eiusdem loci Quadraginta solidos sterlingorum eisdem per predecessores nostros in puram et perpetuam elemosinam olim concessos annuatim percipere consueverunt per manus vicarii de fructibus ecclesie supradicte. Vobis in virtute obedientie precipiendo mandamus quatinus eidem domino Abbati dictos Quadraginta solidos ad consuetos terminos plenarie persolvatis. {. . .}