Andrew Shearer, vicar of Nigg, in honour of Almighty God, the Blessed Virgin Mary and all saints of the heavenly court, grants to the vicars and chaplains of the choir of Aberdeen cathedral an annual rent of 20 s from the land of Robert Wood called 'the Round Table', for an anniversary to be celebrated at the high altar of the cathedral by the said vicars and chaplains on the feast of St Ninian, bishop and confessor, for the soul of Agnes Shearer, his late sister, and, after his death, his own soul.

Andreas Scherar vicarius de Nyg . . . Quia per deuotas orationes et missarum celebrationes vbi Cristus Dei filius pro peccatis nostris Patri offertur presertim creditur peccata dimitti purgatorijque penas demoliri . et ab eijs defunctorum animas frequentius liberari ac in paradisi gaudijs collocari . Vnde noueritis me in honorem omnipotentis Dei beatissime virginis Marie . . . et omnium sanctorum celestis curie . . . dedisse . . . vicarijs et capellanis chori ecclesie cathedralis Aberdonensis . . . redditum xx solidorum . . . leuandum de . .. . terra Roberti Wode . . . nuncupata lye Rownde Tabill . . . iacente infra dictum burgum in vico furcarum eiusdem ex occidentali parte eiusdem . . . pro vno anniuersario . . . ad summum altare ecclesie cathedralis antedicte per dictos vicarios et capellanos . . . celebrando in festo sancti Niniani episcopi et confessoris videlicet in nocte seu profesto eiusdem . exequias defunctorum cum PLACEBO ET DIRIGE vt moris est in anniuersarijs cum nota . et in die vnam missam de requie cum nota subdiacono et diacono pro anima Agnetis Scherar sororis mee defuncte . . . et post meum decessum . . . pro anima mea . . . In cuius anniuersarij celebratione volo et ordino quod vicarij et capellani predicti presentes sint vt sequitur videlicet quod quilibet eorundem intret chorum ad initium antiphone PLACEBO et maneat in suo stallo vsque ad celebrationem orationis seu collecte FIDELIUM DEUS . et similiter quod ad missam quilibet eorundem vicariorum et capellanorum intret chorum in initio officij misse videlicet REQUIEM ETERNAM . et maneat vsque cantatur REQUIESCAT IN PACE . Item etiam volo quod huiusmodi annuus redditus xx sol. annuatim distribuatur dictis vicarijs et capellanis in dicto festo sancti Niniani per eorundem procuratorem communem apud sua stalla ad cantum AGNUS DEI in missa vt sequitur videlicet solum presentibus eorundem vicariorum et capellanorum in missa ac placebo et dirige . sic quod nullus eorum aliqua intentione presumat percipere quicquam ex huiusmodi annuo redditu nisi ipsi qui presentes fuerint vt predicitur sub pena anathematis . Item volo similiter quod quilibet ipsorum vicariorum et capellanorum percipiens ex huiusmodi annuo redditu per distributionem prefatam celebret aut celebrari faciat annuatim in dicto festo sancti Niniani ad altare eiusdem infra predictam ecclesiam situatum vnam priuatam vel ad aliquod altare vbi conuenientius fieri possit pro anima mea .