Pope Clement VII confirms grant of William Keith, lord of the barony of Aden of Aberdeen diocese, to God, the Blessed Virgin Mary, all saints, and to a perpetual chaplain in the choir of Aberdeen cathedral with an annual rent of 6 merks sterling to be paid from his lands of Auchtydonald. If anyone impedes this they are to suffer the wrath of Almighty God and of SS Peter and Paul.

Clemens seruus seruorum Dei ad perpetuam rei memoriam {. . .} quod olim dilectus filius Willelmus de Calabre canonicus Aberdonensis propter sue probitatis merita et vtilia consilia dilecto filio nobili viro Willelmo de Keth domino baronie de Alden Aberdonensis dyocesis et suis oportunis temporibus multipliciter impensa esset eidem nobili merito commendatus idem nobilis horum consideratione personam ipsius canonici pro temporalibus obsequiis prospicere et gratificare volens vt exinde in die messis multiplicem fructum in celis recolligeret ad salutem per suas litteras dedit et concessit Deo et beate Marie Virgini ac omnibus sanctis et vni capellano perpetuo in choro ecclesie Aberdonensis inperpetuum ministraturo pro canonici et nobilis eorundem ac omnium fidelium defunctorum animbus secundum dispositionem dicti canonici sex marcas sterlingorum vsualis monete annui redditus annuatim videlicet ad festa pentecostes et sancti Martini in yeme per equales portiones de terris suis de Achidonalde cum pertinentiis in baronia sua de Alden supradicta et ipsarum terrarum annuo redditu predicto quomodolibet deficiente de integra baronia predicta leuandas integre et plenarie persoluendas et percipiendas absque contradictione cuiuscunque {. . .} Nulli ergo omnino hominum liceat hanc paginam nostre confirmationis et suppletionis infringere vel ei ausu temerario contraire . si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum {. . .}