The bailies and council agree to augment the pension of Master John Henderson, master of their grammar school, with the sum of 20 merks, making 50 merks in total. He is also to have payment of the annual rents and dues of his chaplainry of St Michael, within the parish church etc

The said day, the baillies and counsall consentit and grantit to agument Maister Johne Hendersoune maister of thair grammar scuillis pensioune quhilk he had obefoir witht the sowme of tuentye merkis, makand in the haill the sowme of fyfty merkis vsuall money of Scotland, and ordanis his interes thairof to be at the feist of Witsonday nixt to cum; and obleissis thame to caus him hawe payment of the annuell rentis and deutice of his cheplanry of Sanct Michell, within thair parroche kirk of Abirdene, of all termes restand bygane, he gewand in his rentale and restis awand to the thesaurar, Dauid Mar; and failzeing thairof, thay ordaine the said thesaurar to ansuer and obey the said Maister Johnne of ten merkis for the said augmentatioun of the Martimes terme last bypast, and the same to be alowit to the said thesaurar in his nixt comptis.