Town grants altarage of St Peter, within the parish church of St Nicholas, vacant by the decease of the late sir William Coupar, to Master James Menzies, parson of Dunnotter, for his lifetime.

The said day, the haill towne beyng varnit to this day be thair bell man passand throcht thair rewis, and the maist parte thairof beyng conwenit within the tolbuitht, and thai beyng circuly inquirit be Dauid Andersone balze, gaif, grantit, and assignit the altarage of Sanct Peter, within thair paroche kirk of Sanct Nicholace, vacand in thair handis be the deceise of vmquhile Schir Willeame Coupar, to ane venerable clark, Maister James Menzes, persone of Dunnotter, for all the dais of his lyftyme, for the reparatioun and byggyng of the tenementis and landis pertening to the said altarage, and for to wesy and se thair daily seruice dewyne within thair queyr, and caus the same be ordourit and keipit to the honour and plesur of God in the best sort he can dewyse, and ordanit Thomas Menzeis, thair provest, to present him to the same, and seill his presentacioun and gyft with thair commound seill; on the quhilkis Mr. Robert Menzes, his procuratour, tuk nott and instrument, vytnes, Mr. Androw Tulidaf, Mr. Johne Gordone, Johne Arthur, and Maisteris Johne Nicholsone and Johne Hay, notaris publik. And the prowest, of his benevolence, promittit to the town that he suld caus the said Mr. James to refund and pay yeirlie the soume of ten pundis to any syngar for daly seruice within thair queyr.