Whole town touch Holy Cross to declair obedience to statutes of provest and council. Money pertaining to St Nicholas, patron, to be diverted to building up the gates etc for defence. David Anderson to continue as master of St Nicholas' work for the next year. He requests provost and council to receive his account for the past five years.

The said day, the haill toun, warnit personalie be the officiaris, on the gild curt day, all in ane voce, baitht fre and unfre, obleist thame and ilkane of thame, be the faithis in thair bodeis, euerie ilk man be him self tuechand the haly croce, and inquirit to obserwe and keip lelelie and trwelie all and syndrie the statutis maid at thair command be the prowest and counsell aboune writtin, that is to say, for the reparatioun and upbiging thair portis, wennallis, bak dykes, and for zetts, witht all vther necessar waist placis throw the quhilk thai may incur ony danger. And sicklik chargand Dauid Andersoun, thair maister of Sanct Nicholace wark, to deliuer all money he hes or ma get perteining to the Patroun, togidder witht stanis, lyme, tymmer, and uthir thing that he hes queir of, to the wpbiging of the said portis, and uthir places necessar. Secundlie, to haue [ ] personis to waitht therto baitht nychtlie, and that to be gottin amangis the haill toun, euerie ilk man his nycht about, and to ring the commond bell quhen thai ar persewit. And atoure to haue the stepill of the tolbuitht and Sanct Nicholace stepill daylie wachit, and to ring the bell quhen thai se ony personis cummand ridand to the toun. {. . .} The said day, the prowest, baillies, counsell, and communite, all in ane voce, chargit Dauid Andersoun, maister of Sanct Nicholace wark, to deliuer all mony, tymmir, stanis, lyme, and all other thing necessar perteining to the Patroun quhilk he hes quarof, and that to the reparatoun and upbiging of thair portis, and all necessar things within the toun for thair defence {. . .} The said day, the haill toun hes continuit the said Dauid Andersoun to ramayne maister of Sanct Nicholace wark for this nixt year {. . .} The said day, Dauid Andersoun, maister of Sanct Nicholace wark, requir the prowest and counsell to sit down and resaue his comp of Sanct Nicholace wark of the five yeris bigane, protestand that gif thai did nocht, that he wes quit of the clame thairof in tyme cumming {. . .}