Copy of a letter of James V dated 13 December 1537 following petition by Master Robert McKeson, chaplain of the Holy Blood altar within the parish church of Aberdeen, who has been accustomed to receive 10 s of annual rent from a land lying in the Chequer Row on the south side between the land of St Sebastian's altar on the east etc. Lately, however, William Chisholm, the heritable possessor of the land, has been refusing to pay the annual rent and has lately sold the land to Robert 'Indeaucht' who likewise refuses to pay. The king thus instructs the burgh's provost and bailies to investigate the matter. The latter find in favour of Master Robert and his successors as chaplains.

James be the grace of God king of Scottis to the provest and balzes of our burt of Aberdene greting forsemekill as It is humely menit and schawin to us be our louit oratour and cheplane maister Robert M'Keson cheplane of the cheplanrie of Halyblud altar within the paroche kirk of Aberdene That quhair he hes xs. of annel rent money of our realm pertening to him as patrimony and property of his sayd cheplanrie to be takin vp zeirly of ane land lyand within the chakkirraw of our said burt on the south syd therof betuix the land of Sanct Bastianis altar on the est part {. . .} Quhill now laitly Williame Chesem heretabill possessour of the sayd land for the tyme wald mak the sayd maister Robert no payment of his sayd annuell thairof nor zit suffir the occupiaris of the ground to do the same And to stoyp him fra payment the said Wm. Chesolm hes laitly befor the last fest of Mertimes sauld the said land to Robert Indeaucht burges of our said burght quhill inlikwys wyll mak the said maister Robert na payment of his said annuel thairof without he be compellit as is allegit Our will is theirfor and we charge zov straitly and commandis that in contenment that our lettres sene ze call bayth the saydis partiis befor zou and tak cognitioun quhat possessioun that sayd maister Robert Makesonis predecessoris and the cheplains of the sayd cheplanrie hes bene in of the said annuell as patrimony and property therof in tymes bygane past memorie of man And as beis fundin that ze keip and defend the said maister Robert in siclyk possessioun {. . .} The said day the prowest and balzeis findis be Inquisitioune and cognitioune takin be thame that maister Robert Makesonis predecessouris maister Johnn Merschell and maister Dauid Makesoune cheplanis of the Halyblud altar within the paroche kirk of Aberdene hes bene in possessioun of tene s. of annuell rent of the land within wrytin as patrimony and propirty of the said altarage thir mony zeiris bygane and ordanis the said maister Robert and his successoris cheplains therof to be kepit in siclik possessioun as his predecessouris ay and quhill he be lauchtfully callit and ordourly put therfra And gif nyd beis thai ordane thair officiaris to pound and distrenze for the same for all termes bygane and to cum quhill he be ordourly remowit therfra as said is.