The alderman, bailies, council and community grant to sir Thomas Binnie, chaplain and sangster, their perpetual chaplainry of St Michael's altar, vacant by the decease of Master Andrew Crawford. In addition to celebrating divine service he is to teach children and students in music.

The said day the Alderman Baillies Counsaill and communite warnit be the handbell gatherit and be the officiaris of the said burgh inquirit grantit and geff to Sir Thomas Bynne chaplane and sangster thar perpetuale chapellanry of Sanct Michaellis Alter for all the dais of his lyve wacand be the deceiss of vmquhile maister Androu Craufurd For the quhilk chapellanry the said Sir Thomas oblist hyme to mak continuale residence within the pariss kirk of Abirdene and keip obserue and sustene personaly ale devyne seruice in synging within the said kirk and queyr at matyins evinsang completoring singin mess and all vther divine seruice And instruk teicht and furnyss barnis and studentis in musyk to the supportatioun of Goddis seruice at his power for ale the dais of his lyve And forther to do devyne seruice at the said alter efter the tenor of the fundatioun of the samyn For the fulfilling of the quhilkis the said Sir Thomas oblist him be the faitht of his body the gret aitht sworne but fraud or gile And atour the saidis Alderman baillies counsall and communite grantit to the said Sir Thomas Ilkane tua zeris ane burges wortht tua markis for his gud seruice to be continewit in the said kirk.