Grant of whole custom of St Andrews to bishop of St Andrews and his successors in charter of Robert III dated 28 May 1405. Grant also to God, blessed Mary, and blessed Andrew the apostle. There is a memorandum followed by a copy of the charter.

Memorandum quod non tenetur custumarii, clericus cokete, aut tronator civitatis Sanctiandree scaccariis domini nostri regis de cetero interesse, quia dictus dominus noster rex in puram et perpetuam elemosinam concessit Deo, beate Marie, beato Andree apostolo, et ecclesie Sanctiandree, ac Henrico episcopo Sanctiandree ejusque successoribus qui pro tempore fuerint, omne jus et clameum, actionem, et demandam, si quod et si quas ipse, heredes sui, aut successores quicunque in custuma lane, pellium lanutarum, et coriorum civitatis et territorii Sanctiandree habuit, habet, vel habere poterit seu poterint qualitercunque in futurum, sive in proprietate sive in possessione, prout in carta ejusdem domini nostri regis sub magno sigillo suo ostensa super compotum, dicto episcopo inde confecta plenius continetur, cujus quidem carte tenor sequitur in hec verba:- Robertus Dei gracia rex Scotorum [. . .] Unde nos profecto dictorum predecessorum primevorum exempla sequi efficacius cupientes, attendentesque serenitati regie incumbere, ecclesias regni sui et ecclesiasticas personas in possessionibus, libertatibus, juribus, et privilegiis antiquitus obtentis, indempnes, illibatas, et illesas preservare, ac ipsas singularius regalis potencie brachio protigere, et in optinendo specialius promovere, ob reverenciam, laudem, et honorem Dei omnipotentis, beate Virginis Marie, Sancti Andree apostoli et omnium Sanctorum, sinceram devocionem et mentem puram quam dicti predecessores nostri ad ecclesiam Sanctiandree habuisse dinoscuntur, et nos habere dinoscimur, [. . .] in lanis, coriis, pellibus, carnibus, piscibus, et aliis quibuscunque ad ipsam magnam custumam quomodocunque spectantibus, Deo, beate Marie semper Virgini gloriose, beato Andree apostolo, et ecclesia Sanctiandree memorate [. . .]