[. . .] and that the said earl and his heirs could present to us and those who will be our successors, a chaplain, who will celebrate Mass in the church of Dornoch at the altar of St James for the souls of the said earl, his predecessors and successors [. . .]

Ad hoc vero ut ecclesie nostre, nobis et successoribus nostris securius esset prouisum, et ut plenariam possessionem dictarum terrarum ecclesie nostre, nobis et successoribus nostris a dicto comite concessarum poterimus nancissi, et pro utilitate et commodo nobis et successoribus nostris a dicto comite collatis, de voluntate et consensu capituli nostri dedimus et concessimus predicto comiti et heredibus suis unam dauatam de Owenes valentem dimidiam marcam, et quod dictus comes et sui heredes possint nobis et successoribus nostris qui pro tempore fuerint unum capellanum presentare, qui in perpetuum celebrabit in ecclesia de Durnach ad altare Sancti Jacobi pro animabus dicti comitis predecessorum et successorum suorum: quem quidem capellanum nos et successores nostri ad presentacionem predicti comitis et heredum suorum admittemus, et dicto capellano ad ejus sustentacionem quinque marcas annuas de bonis episcopalibus videlicet de firmis nostris de villa nostra de Durnach per manus baliuorum nostrorum qui pro tempore fuerint et successorum nostrorum ad duos anni terminos videlicet ad festum Sancti Martini in yeme duas marcas cum dimidia et duas marcas cum dimidia ad Pentecostem in perpetuum administrabimus. [. . .]