A certain miracle

Sequitur de quodam miraculo, in constructura dicti monasterii, ad preces et lacrimas prefati regis Dauid, apparenter de speciali gracia diuine clemenci ostenso. Post pauca annorum curricula, crescenti diligentissima dicti monasterij Sancte Crucis structura, opere lapideo ecclesie pene consummato [. . .] Et post longa suspiria oracionum et lacrimarum precordiarum lamentabilia, iubet rex missam celebrari de sancta cruce; qua finita, rex se erigens uenit ad corpus recubantis et manu propria faciem discooparuit, quam diligenter intuens, signa quedam uite apparere considerans, iussit corpus eleuari, et ad locum aptum quietis perduci. Abbas uero curam diligentem carpentario adhibens, non medicorum cura, sed specialis crucis gracia et oracione regia, in breui tempore pristine sanitati restitutus est dictus carpentarius, et post longum tempus seruus beate crucis in pace quieuit.